Волейбол чемпионатында Бәркәтә “бөркетләре” алда бара
Район оешмалары, учреждениеләре, авыл җирлекләре арасында 15 гыйнварда башланган волейбол буенча чемпионатта ир-атлар командасы ярышлары ахырына якынлаша. Чемпионат җиңүчеләре 23 февральдә билгеле булачак.
Әлегә иң күп очконы (16) Бәркәтә авыл җирлегенең “Бөркет” командасы туплаган. Икенче урында Электр челтәренең - “Энергия” командасы, өченчедә - район башкарма комитетының “Белые совы” волейболчылары. Әле алда берничә уен бар, иң осталар шуннан соң билгеле була.
Иң көчле командалар 30, 20, 15 мең сумлык сертификатлар белән бүләкләнә. Җиңүче командага – кубок, иң яхшы уенчыларга истәлекле бүләкләр тапшырылачак.
Ир-егетләр командалары уеннары тәмамлану белән, хатын-кызлар ярыша башлый. Әлегә чемпионатта катнашырга биш командадан заявка кергән. Хатын-кызлар арасында җиңүчеләр 8 мартта ачыклана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев