Октябрь ахырында монда авторанспорт хәрәкәтенә юлны ачарга ниятлиләр.
“Татавтодор” автомобиль юллары идарәсенең райондагы участогы эшчеләре Кече Чегодай авылы янындагы “Татнефть” ягулык салу станциясеннән Шентала станциясе уңаендагы “Таиф” заправкасына кадәр 3 километр 400 метр арада юлны капиталь ремонтлыйлар.
-Хәзер юл буйларын ясыйбыз. Асфальтка вакытлыча сары төстәге разметкалар да сызылачак, - диде участок начальнигы Исхак Әбүнәгыймов.
Киләсе елга биредә икенче катлам асфальт җәеп, юл кырыйларын (обочина) ныгытачаклар.
Әйләнгеч юлның былтыр ясалган өлешенә исә юлчылар бүген яңа юл билгеләре - знаклар урнаштырды.
Нет комментариев