Кара Чишмә авылы мәчете мәдрәсәсендә 16сыннан 26 июньгә кадәр кызлар өчен лагерь эшләде.
18 кыз ун көн дәвамында уйный-уйный дин дәресләре өйрәнделәр, табигатькә экскурсиягә чыктылар. Аларга мондый кызыклы ялны авыл мәчете белән берлектә Мәдинә Яруллина оештырган.
- Без балалар белән догалар, гарәп хәрефләре дә өйрәнәбез. Дөрес, ун көндә генә гарәпчә укырга, язарга өйрәнеп булмый, шулай да үткән елларда да безгә лагерьга йөрегән балалар бераз укый ала, - диде укытучы апалары. – Әле мәктәпкә укырга кермәгәннәре дә бар.
Биредә балаларны тәмле ашлар, корбан итеннән әзерләнгән шулпа белән дә сыйлыйлар. Кызлар арасында шәһәрдән әби-бабаларына кунакка кайтканнары да байтак.
Мәчеттә малайлар өчен дә лагерь эшләячәк, аны июльдә оештырырга планлыйлар.
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев