Чирмешән районы балалар бакчаларында 402 сабый тәрбияләнә

Үткән елда 416 балага мәктәпкәчә тәрбия бирелгән, шуларның 91е бакча белән хушлашкан – алар 1 сентябрьдә парта артына утырачак. Иң зур чыгарылыш – район үзәгендәге “Ромашка”да (19 бала), “Ландыш”та һәм “Әкият”тә – 15әр. Бәркәтәдә, Туймәттә, Ульяновкада һәм Казанкада берәр бала бакчадан киткән. Ә менә Югары Кәминкә, Кармыш, Түбән Кәминкә, Иске Кади, Югары Кармалка, Күтәмә, Утыз Имәндә чыгарылыш кичәләре булмаган.

-Балаларның күпчелеге (277) район үзәгендәге балалар бакчаларында тәрбияләнә. Бу уку елында “Ромашка”га – 64, “Ландыш”ка – 62, “Чишмәкәй”гә – 57, “Әкият”кә – 56, “Каенкай”га 38 сабый йөриячәк. Балаларга урыннар җитә, проблема юк, - диде район мәгариф бүлегенең мәктәпкәчә белем бирү методисты Диләрә Мәкъсумова.

Ә менә Иске Кади авылы балалар бакчасында, нибары, бер бала, Туймәт, Казанка, Иске Котыш балалар бакчаларында икешәр бала тәрбияләнә.

Автор фотолары.