Чирмешән коммуналчылары газ мичләрен кышкылыкка әзерли
Ягу сезонына әзерләнеп, әлегә 64 метр арада җылылык үткәргеч ремонтланган.
“Чирмешән районы коммуналь челтәрләре” предприятиесе район үзәгендәге өч зур котельныйга һәм 80нән күбрәк оешманың модульле котельныйларына хезмәт күрсәтә.
Коммуналчылар Кәрвансарайга җылылык бирүче трассаның 64 метрын ремонтлаганнар. Әле тагын яңартасы участоклар бар. Төзүчеләр соңрак 1 нче Чирмешән һәм Чирмешән кадетлар мәктәп-интернатына баручы үткәргечләрне ремонтларга җыеналар.
-Ягу сезонына әзерлек тулы куәтенә бара. Газ санагычларны поверкага озаттык, газ мичләре чистартыла, котельныйларда чираттагы ремонт эшләре бара, - диде предприятие директоры урынбасары Михаил Арютин.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев