Чирмешән районында җәяүле һәлак булган

Районның ЮХИДИ бүлекчәсеннән хәбәр итүләренчә,  фаҗига олы юлдан Лашманга керү борылышы янында кичке җиделәр тирәсендә була.

-Җәяүле әлеге хатын-кыз рөхсәт ителмәгән урында,  хәрәкәт уңаена  сулдан уңга  юл аркылы чыккан. Аның өстендә караңгы вакытта күренерлек яктылык кайтаргыч элементлар булмаган. Аны Тойота  Хайлюкс  автомашинасы бәрдерә. Лашман авылы хатын-кызының гомере район үзәк больницасында өзелде, - ди районның ЮХИДИ бүлекчәсенең өлкән дәүләт инспекторы Рәмис Шәкүров.

фото: Рәмис Шәкүров