Безнең Чирмешән
  • Рус Тат
  • Бәрәңге янына – гөмбә

    Соңгы вакытта яуган тансык яңгырлар кәефебезне нык күтәрде, болай булса, бакчаларда үсүче яшелчәләр тернәкләнеп китәр әле.

    Билгеле, бәрәңге түтәлләренә еш күз төшә. Артык борчыласы түгел бугай, кайберәүләр инде яңа уңыш бәрәңгесе ашый да башлаган. Әнә Чирмешәндә узган ярминкәгә Шентала районының Урманасты Андреевка авылыннан килгән берәү шактый эре бәрәңге тәкъдим итте. Апрельдә үк чәчкән бүлбеләр яхшы тишелгән, өлгергән. Артык су да сипмәгәннәр. Иртә өлгерә торган сорт.

    Яңгырдан соң гөмбәчеләргә дә “фронт” ачылды – бу тәмле ризыкның бер чиләген 400 сумга саттылар. Бәрәңге бәясен дә белик – ярминкәдә аның килограммы 40 сум иде. Башка ашамлыкларга, тимергә, агачка, ягулыкка да бәя нык арткач, ит тә юнь була алмый, аның килограммына уртача 350 сум сорыйлар, 380гә дә сатучылар бар.

    Реклама

    Ярминкәдә мәтрүшкә, кавын һәм карбыз, үрдәк һәм каз бәпкәләре дә бар иде. Нишләптер, бу юлы сатучылар күп булмады, халык та азрак килде кебек.

    фото: автор

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: