Безнең төбәктә – без иң көчлесе

Баскетбол буенча республикакүләм зонада ярышларда безнең районның кызлар һәм малайлар командалары беренче урыннарны яулаганнар.

Ютазы районының Уруссу поселогында оештырылган әлеге ярышлар Татарстан Республикасы укучыларының IX спартакиадасы кысаларында узган. Бәйгедә безнең спортчылар Яңа Чишмә, Мөслим, Тукай, ютазы районнары командаларын җиңеп, беренче урынга чыктылар.

Район данын яңа Элмәле, Иске Элмәле, Ульяновка урта мәктәпләре укучылары яклаган.
Район командасының бу уңышында тренерлары Вячеслав Мельников, Марина Колесникова һәм Андриян Тимирясовның да өлешләре зур.