Безнең Чирмешән

Чирмешән районы

18+
Рус Тат
2024 - Гаилә елы
Сәламәтлек

Глаукома вакытында саф һавада йөрү файдалы

Глаукома булганда, күз эчендәге басымны төшерү белән бергә, күздәге кан әйләнешен яхшырту мөһим. Аның өчен туклану рационына А, В, С, Е төркеме витаминнары кертергә кирәк. Алар матдәләр алмашын яхшырта. Әлеге витаминнар яшелчә, җиләк-җимеш, эре итеп тарттырылган оннан салынган ипи, үсемлек маенда бар.

Глаукоманы дәвалаганда нервланырга ярамый. Шуңа да юк-бар мәшәкатьләр өчен борчылып кәефегезне бозмагыз. Исегездә тотыгыз: борчылганда кан басымы, шул исәптән баш сөяге эчендәге басым да күтәрелә.

Утырып эшлисез икән, көнгә 1-2 сә­­­гать урамда җәяү йөреп керегез. Орга­­низмга кислород җитмәгәндә кан та­­мыр­­лары зәгыйфьләнә. Глаукома исә кан әйләнеше системасындагы тайпылышлар йогынтысында килеп чыга.

Телевизор каршында көнгә 1,5 сә­гатьтән дә озак утырмагыз. Бу вакытта бүлмәдәге утны яндырырга онытмагыз. Караңгыда күз карасы зурая һәм кан тамырларын кыса.

Тамакны киптерә торган ризыклар аша­магыз. Көнлек сыекча күләме 1,5 литр­­­дан артмасын. Куе чәй, кофе кебек кан­да адреналин бүлеп чыгара торган эчем­лекләр эчмәгез.

Глаукома булганда авыр физик эш зыянлы. Чөнки кан тамырларына көч килүе ихтимал. Шуңа да өйдәге җиһазны күчермәгез, авыр капчык яки сулы чиләк күтәрмәгез, иелеп эшләмәгез.

Халык чаралары

  • 1 чәй кашыгы балны, 1/2 стакан кайнаган суда болгатып, пар ваннасында 2 сәгать кайнаталар. Суынгач, көнгә 3 тапкыр һәр күзгә дә 2шәр тамчы салалар. Дәвалану курсы – 4 ай. 5 көн ял иткәч, процедураны кабатлыйлар.
  • 20 г укроп орлыгын 1 стакан кайнар суга салып 1 сәгать төнәтәләр. Сөзеп, көн дәвамында 3кә бүлеп эчәләр. Төнәтмә белән күзне юдырырга яки сыеклыкта чылатылган мамык тампонны күзгә куеп торырга да мөмкин.
  • 4 аш кашыгы күз уты (очанка) үләнен ваклап 1 литр кайнар суга салалар, 4 сәгать төнәтәләр. Сөзеп, көнгә 3 мәртәбә 1/2әр стакан эчәләр.
  • Көн саен ике күзгә дә 2-3әр тамчы яңа сыгылган алтын тамыр (золотой ус) согы салалар.

"Ашыгыч ярдәм" газетасының архив саннарыннан алынды.

фото

Следите за самым важным и интересным в Telegram-каналеТатмедиа

"Безнең Чирмешән"нең Яндекс Дзен һәм Телеграм каналында иң мөһим, кызыклы вакыйгаларны күзәтегез.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X