Чирмешән районында 1702 кеше вакцина ясаткан

-Район үзәк хастаханәсенә барлыгы 1905 “Спутник V” һәм 60 комплект “ЭпиВакКорона” вакциналары кайтты, - дип хәбәр итте табиб-эпидемиолог Альмира Гарифуллина. - Чирмешәнлеләр вакцина ясатырга май каникулларында да килделәр. Прививкаланучылар арасында: 181 - медицина, 204 - мәгариф хезмәткәре, предприятиеләрдә эшләүче - 311, 347 - 60 яшьтән өлкәнрәк кешеләр.

Медицина хезмәткәрләре вакцинаны район авылларына да барып ясый.

Район үзәк больницасында вакцина җитәрлек күләмдә бар. Табиблар прививка ясатырга, үзебезне һәм якыннарыбызны чирдән сакларга киңәш итә.

Вакцина ясату өчен район үзәк больницасы регистратурасына мөрәҗәгать итәргә кирәк. Телефон 8(84396) 2-52-54.

фото: архив