Чирмешән районында “Өмет“кә өмет сүнде

Чирмешәннән Казанка юнәлешендәге олы юл янәшәсендә, табигатьнең гүзәл бер җирендә калкытылырга тиеш тернәкләндерү - ял үзәге булмаячак.

"Өмет" дип исем дә биргәннәр иде аңа. Дистә еллар элек шул урында, кайсыдыр инвалидлар оешмасы ярдәме белән, зур гына бер бина да салып куйдылар. Эш тукталгач, байтак акча әрәм иткәч, бу бинаны җыйнаулашып сүтә башладылар. План буенча түгел, кем нәрсә алырга тели, шуны ташыды моннан, "булыштылар". Ниһаять, бинаның нигезе генә калды. Хуҗасыз объектның язмышы ничек бетсен инде?!