Муниципаль район Советының чираттагы алтмыш дүртенче утырышында, ягъни узган чакырылыштагы соңгы җыелуларында депутатлар муниципаль район бюджетының керем һәм чыгым өлешләрен 18 миллион 56 мең 150 сумга арттырдылар. Әлеге акчалар - физик затлар салымы. Чыгымнар төрле эшләргә юнәлдерелә, шул исәптән Нурлат аграр техникумының район филиалы автодромын капиталь ремонтлауга - 802 мең...
Муниципаль район Советының чираттагы алтмыш дүртенче утырышында, ягъни узган чакырылыштагы соңгы җыелуларында депутатлар муниципаль район бюджетының керем һәм чыгым өлешләрен 18 миллион 56 мең 150 сумга арттырдылар.
Әлеге акчалар - физик затлар салымы. Чыгымнар төрле эшләргә юнәлдерелә, шул исәптән Нурлат аграр техникумының район филиалы автодромын капиталь ремонтлауга - 802 мең сум, Ивашкино авыл җирлегенә янгын сүндерү автомашинасын ремонтлауга - 165 мең, биотермик чокырларның тирәсен тотуга - 450 мең, маллар сую пунктын төзү өчен проект-смета документлары әзерләүгә - 320 мең, пассажирлар йөртү буенча чыгымнарны кайтаруга -190 мең 200 (Бәркәтә, Иске Котыш, Иске Үтәмеш, Лашман, Шешминка авыл җирлекләрендә), Чирмешәндә су челтәрләрен үзгәртеп коруга 600 мең сум казна акчасы зур ярдәм булачак. Мәдәният тармагына - учреждениеләр ремонтына, сәхнә костюмнары һәм җиһазлар алуга, яңа мәдәният объектлары тотуга тагын 815 мең сум биргәннәр. Мәгариф биналар һәм котельныйлар ремонлауга 2 миллион 412 мең сум акча алачак.Муниципаль район башкарма комитеты җитәкчесе Фердинат Дәүләтшин бу чыгымнарның конкрет максатларга, урынлы кулланылачагын, вакытлы һәм кирәк булуын әйтте.
Депутатлар 2016 елга һәм 2017 һәм 2018 еллар план чорына район бюджетына салымнардан дотацияне физик затлар кеременә салымнарга алмаштыру тәкъдимен дә хупладылар, бу хакта карарны расладылар.
Утырышны муниципаль район Советы рәисе урынбасары Миләүшә Батыршина алып барды.
Автор фотосы.
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев