Сыра да – алкоголь

1 январьдән гамәлгә кергән закон нигезендә, сыраны көндез һәм зур кибетләрдә генә сатарга ярый.

"Чирмешән" муниципальара бүлеге хезмәткәрләре әлеге канунның үтәлешен тикшерү максатыннан рейдлар үткәрәләр. Әлегә алар нигездә аңлату эшләре алып баралар дип була. Шулай да январь аенда ике кешегә карата, тыелган вакытта (кичке уннан иртәнге унга кадәр) сыра сатканнары өчен, административ беркетмәләр төзегәннәр дә.

Хәзер ларекларда, киоскларда һәм нигезе булмаган кибетләрдә сыра белән сәүдә итү бөтенләй тыела. Закон бозган өчен киоск хуҗаларына - 3-4 мең, оешмаларга 30-40 мең сум штраф салу каралган.