“Чирмешәнагрохезмәтләре” җәмгыяте фермасыннан ике баш терлек югалган

Гомумән, 26 ноябрьдән 2 декабрьгә кадәр район полиция бүлекчәсендә 23 хәбәр кабул иткәннәр. Полициянең участок уполномоченныйлары 17 административ беркетмә төзегән.

Бер атнада юлда йөрү кагыйдәләрен санга сукмауның 54 очрагы ачыкланган. Ике юл-транспорт вакыйгасы теркәлгән – икесе дә матди зыян белән, аларда имгәнүчеләр юк. Ике машина йөртүчегә транспорт белән аек булмаган хәлдә идарә иткән өчен закон каршында җавап бирергә туры киләчәк.

Билгесез кешеләр Якты Тау авылы янындагы ферма территориясендә эшләми торган су башнясын сүткәннәр. Бу хәл тикшерелә.

Берәү район үзәк больницасына күп санлы кадалган-киселгән яралар белән мөрәҗәгать иткән. Баксаң, аңа бу яраларны кайчы белән коралланган хатыны ясаган.

Чирмешәндә яшәүче хатын-кызның 18 мең сумлык кесә телефонын урлаганнар. Полиция хезмәткәрләре угрыны эзли.

Әлеге мәгълүматлар Россия ЭЭМның Чирмешән район буенча бүлекчәсе штабыннан алынды.

фото: архив