Чирмешән районында санитар-эпидемиологик кагыйдәләрне бозучыларга 670 мең сум штраф салганнар
Узып баручы ел башыннан, коронавируска каршы рейдлар барышында, полиция хезмәткәрләре санитар-эпидемиологик кагыйдәләрне бозуның 493 очрагын ачыклаган, гаеплеләргә барлыгы 670 мең сум күләмендә штраф җәзасы бирелгән. Андый рейд чаралары 2021 елда да дәвам итәчәк.
22-29 декабрьдә Россия ЭЭМның Чирмешән районы буенча бүлегендә 28 хәбәр кабул иткәннәр. Полициянең участок уполномоченныйлары 10 административ беркетмә төзегән.
Район юлларында 7 юл-транспорт вакыйгасы теркәлгән – матди зыян белән, аларда имгәнүчеләр юк. Юлда йөрү кагыйдәләрен бозуның 43 очрагы ачыкланган.
“Витязь” сак хезмәте хезмәткәрләре Сосновка авылы янында торба урларга маташкан өч ир-атны тоткарлаган. Тикшерү бара.
2020 елның 12 аенда район полиция бүлекчәсендә 1649 хәбәр теркәлгән – былтыргы шул чорда 190га кимрәк.
Әлеге мәгълүматлар Россия ЭЭМның Чирмешән районы буенча бүлекчәсеннән алынды.
фото: архив
Следите за самым важным и интересным в Telegram-каналеТатмедиа
Нет комментариев