46 яшьлек Чирмешән районы кешесе әнисен үтергән

Район прокуратурасы 46 яшьлек Казанка авылы кешесенә карата җинаять эше буенча дәүләт гаепләвен хуплады. Суд аны әнисен үтерүдә гаепле булуын таныган.

-Узган елның 17 октябрендә исерек хәлдәге Николай Фадеев, үтерү максаты белән, әнисенең башына, тәненә тупас предмет һәм пычак белән әлләничә тапкыр суга. Нәтиҗәдә тән җәрәхәтләре алган хатын-кыз шунда ук җан бирә, - ди район прокуроры урынбасары Юрий Иванов. - Фадеев үз гаебен таныды. Суд аны 10 ел да 6 айга каты режимлы колониягә хөкем итте. Карар әлегә закон көченә кермәде.

Автор фотосы