Юмарт якташ

Туймәт авылы мәчетендә ремонт бара. Әлеге изге эшнең иганәчесе - авылдашлары Роберт Фәссахов.

- Роберт Харрас улына бик зур рәхмәт, ярдәмне үзе тәкъдим итте. Вак-төяк ремонтка бераз акча тапсак та, зур эшләргә мөмкинлегебез юк иде. Авыл халкы һәм шәхсән үз исемемнән аңа зур рәхмәт җиткерәм,- ди авыл мәчете имамы Ильяс хәзрәт Әһлиуллин.

Мәчеткә янкорма төзеп аш-су бүлмәсе ясаганнар. Инде янкорманың эчке бизәкләү эшләре дә төгәлләнү алдында. 20 еллап элек төзелгән мәчетнең түбәсен дә тузып, су үтә башлаган булган. Һаман шул, игелекле иганәче, Р. Фәссахов ярдәме белән үзе үк яллаган төзүчеләр түбәне яңартып яба да башлаганнар.