Безнең Чирмешән
  • Рус Тат
  • Анатолий Кузьмин авылдашларына гармун алып бирмәкче

    Девичья Полянадан Анатолий Кузьмин авылдашларын гел изге эшләре белән гаҗәпләндерә.

    Күп еллар элек авылда нефтьчеләр төзекләндереп биргән бер чишмәнең ташландык хәлгә килеп баруына борчылып йөргән Анатолий Николаевич аны күршеләре белән тәртипкә китергән. Алар су чыганагының бурасын яңартканнар.

    Реклама

    Авыл очында, зират артында урнашкан, тәмле сулы чишмә буларак билгеле су чыганагын да танымаслык иткән игелекле авылдаш. Элек халык суга шушы чишмәгә йөргән. Тик соңгы вакытта аның юлын үлән басып, чишмә үзе ташландык хәлдә була. Анатолий Кузьмин аңа кабат җан өрә: чистартып, өстенә түбә ясый, баскычларны һәм сукмакны тәртипкә китерә.

    -Пенсия яшендәге тынгысыз авылдашыбыз үзешчән сәнгатьтә катнашырга да вакыт таба, - диде Девичья Поляна авыл мәдәният йорты директоры Людмила Мартышкина. – Авылда гармунчы булса да, үзебезнең гармун юк. Анатолий Николаевич безне музыка кораллы итү нияте белән йөри. Гармун алырга Әлмәткә барырга җыеналар. Ул моңа иганәче тапкан, үзенең пенсия акчасыннан да өлеш чыгара.

    фото: Кадыр Гомәров 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: