Яңа мәктәп кебек була

автор, 25 июль 2013 - 09:37

4543

Яңа Элмәле урта мәктәбендә апрельдә башланган ремонт ахырына якынлаша дисәң дә була. 20 августтан да калмый, монда эшне төгәлләргә исәплиләр. - Дөрес, графиктан бераз калышабыз, - ди мәктәп директоры Вячеслав Мельников. - Бүген мәктәптә җиде бригада эшли. Укытучылар, укучылар һәм ата-аналар да ярдәмгә килде. Якын көннәрдә ашханәгә җиһазлар алырга барабыз....

Яңа Элмәле урта мәктәбендә апрельдә башланган ремонт ахырына якынлаша дисәң дә була. 20 августтан да калмый, монда эшне төгәлләргә исәплиләр.

- Дөрес, графиктан бераз калышабыз, - ди мәктәп директоры Вячеслав Мельников. - Бүген мәктәптә җиде бригада эшли. Укытучылар, укучылар һәм ата-аналар да ярдәмгә килде. Якын көннәрдә ашханәгә җиһазлар алырга барабыз. Яңа төс алган мәктәпкә яңа шкафлар һәм парталар да кайтару планлаштырыла.

Мәктәпнең түбәсе һәм тәрәзәләре 2009 елда яңартылган булган. Бүген, гомумән алганда, төзүчеләр эчке эшләр белән мәшгуль. Бер бригада җылылык торбалары урнаштыра, икенчеләре коридор идәннәренә плитәләр җәя, стеналарны штукатурлыйлар. Классларда идәннәр җәеп беткән, хәзер буяу-агарту эшләренә керешәчәкләр, ишекләр урнаштырачаклар. Ә бер бригада бина тирәли отмостка ясый. Керү юлына брусчатка да түшәләчәк.