Әмир урманында гөмбә күп

-Ышанасызмы, Әмир урманында гөреҗдә (грузди), “беляк”ларны тулы бер машина багажнигы җыеп кайттык. Гөмбә күп быел, үзебезгә дә, балаларга да әзерләдек, - диләр Чирмешәннән апалы-сеңелле Валентина Долгополова һәм Татьяна Игнатьева.

- Агуланудан курыкмыйсызмы, - диюемә:

- Без тумышыбыз белән Лагеркадан, бала чактан ук гөмбә җыеп үстек, тәҗрибәбез бар. Белеп эшкәртәбез, курыкмыйбыз. Белмәгән гөмбәне җыймыйбыз, - диләр апалар. –“Беляк”, йөнтәс гөмбә (волжанка), җирән гөмбә (рыжик) җыйдык. Әле менә бүген Шентала урманына барган идек, тик юлыбыз әллә ни уңмады.

Гөмбәне күпләр ярата. Әмма республикада ел саен аны ашап агулану очраклары хакында ишетеп торабыз. Шуның өчен саграк булыйк.

автор фотосы