Чирмешән лицее укучылары ветераннарның хәлләрен белделәр

Укучылар, укытучылар белән берлектә, Чирмешәндә һәм Түбән Чегодайда гомер итүче тыл хезмәтчәннәре, Бөек Ватан сугышында катнашучыларның тол калган хатыннары, шулай ук өлкәннәр һәм инвалидлар йорт-интернатында яшәүчеләр, уллары махсус хәрби операциядә катнашучы якташларыбыз янында кунакта булдылар, аларны Бөек Җиңүнең 79 еллыгы белән котладылар.  

-Без һәрберсе белән сөйләштек, аларга Җиңүне якынайтуга керткән өлешләре, сугыш һәм сугыштан соңгы еллардагы хезмәтләре өчен рәхмәтебезне белдердек, - ди Чирмешән лицее укытучысы Лилия Шәйхетдинова. – Киләчәк буыннар да аларның батырлыгын мәңге истә тотар, әби-бабаларыбыз белән горурланыр.

Лилия Шәйхетдинова фотолары