Чирмешәнлеләр "Ышаныч тартмаларына" ышанамы?

-Әлеге дата уңаеннан мәгариф, спорт учреждениеләрендә, иҗтимагый оешмаларда төрле чаралар: коррупциягә каршы тема буенча ачык дәресләр, сыйныф сәгатьләре, очрашулар, “түгәрәк өстәлләр” узачак, - ди  муниципаль район башлыгының коррупция­гә каршы көрәш буенча ярдәмчесе Рәсим Шәрифуллин.- Гомумән, районда коррупциягә, ришвәтчелеккә  каршылык күрсәтү өлкәсендә чаралар даими үткәрелә - муниципаль хезмәткәрләрнең керемнәре, милке һәм милек сыйфатындагы йөкләмәләре турындагы мәгълүматлар, үзсалым акчаларыннан максатчан файдалану тикшерелә, норматив хокукый актлар һәм аларның проектларына коррупциягә каршы экспертиза үткәрелә, районның коррупциягә каршы көрәш комиссиянең утырышлары да еш була.

 Кызганычка каршы, райондашларыбыз әлеге проблемага битараф. Район хакимияте, күпфункцияле үзәк биналарында урнаштырылган "Ышаныч тартмалары" гел диярлек буш. Ә бит без аноним хатларны да карыйбыз, тикшерәбез. Форсаттан файдаланып, райондашларыбызны активрак булырга чакырам. "Халык контроле" электрон системасында да коррупциягә багышланган бүлекчә бар, анда да мөрәҗәгать итәргә мөмкин.

фото pixabay.com сайтыннан