Безнең Чирмешән
  • Рус Тат
  • Чирмешәндә гадәттән тыш хәлләр буенча укулар, өйрәнүләр бара

    2 октябрьдә Чирмешәндә команда-штаб өйрәнүләре узачак. Бу чарада гадәттән тыш хәлләрне кисәткәндә һәм бетергәндә Чирмешән звеносы идарәсе органнары һәм көчләренең гамәлләренә бәя биреләчәк.

    Бу көннәрдә чирмешәнлеләр әлеге чарага әзерләнде – генераль репетиция уздырдылар. Анда Татарстан Республикасы буенча Россия Гадәттән тыш хәлләр баш идарәсе начальнигы урынбасары Игорь Драгунов җитәкчелегендәге группа да катнашты. Мондый укулар республикада инде бишенче ел уздырыла.

    Реклама

    Өйрәнүләр барышында африка чумасы “табылган” мәйданда чистарту эшләре уздырылды, “юлда килеп чыккан” юл-транспорт һәлакәтендә булдылар, “суга батучыны” коткардылар һәм өлкәннәр һәм инвалидлар йорт-интернатында “янгын” сүндерүдә катнаштылар. Кыскасы, җаваплы органнарның әзерлеге тикшерелде.

    Коткаручыларның гамәлләрен Казаннан килгән төркем күзәтте, бәяләде, кимчелекләрен дә әйттеләр һәм киңәшләр бирделәр. Команда-штаб өйрәнүләре вакытында ялгышларны кабатламаска кушылды.

    фото: автор

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: