Чирмешән районында халык санын алуга әзерлек дәвам итә

Агымдагы елның август аенда теркәүчеләр (регистраторлар) районның барлык торак пунктларында да йортларны йөреп чыгып, алдан төзелгән адреслар исемлегенә ачыклык керттеләр.

-Теркәүчеләр  урамнарның исемнәре, йорт, квартира  саннары күрсәтелгән аншлагларның, табличкаларның булу-булмауларын тикшерделәр, - ди дәүләт статистика бүлегенең әйдәп баручы белгече Гөлназ Гайсина. – Алар урамнардагы, йортлардагы, подъездлардагы яктырткычларга да игътибар бирделәр. Бу эшкә авыл җирлекләре хезмәткәрләре дә җәлеп ителде. Нәтиҗә ясап шуны әйтергә кирәк, әле байтак авылларда хуҗалыкларның адресларын булдыру буенча конкрет эш башкарасы бар.

Сүз уңаеннан, районда халык санын алу буенча карар кабул ителде, махсус комиссия төзелде, аның рәисе - район башлыгы Фердинат Дәүләтшин.

Фото архивтан