Район үзәгендә нефтьчеләр өчен 20 шәхси йорт төзелә. Аның унысын быел төзеп бетерергә планлыйлар.
-Алабуга шәһәренең төзелеш компаниясе осталары дүрт йортның стеналарын күтәреп, түбәсен яптылар, тәрәзәләр дә куелган, - ди район башкарма комитетының ифраструктура үсеше бүлеге начальнигы Хәлим Сәлахов. - Бер бригада тыштан стеналарны буйый, ике йортта эчке якта су, канализация челтәрләре, җылы үткәргеч сузу эшләре төгәлләнеп килә.
Йортлар агач борыслардан күтәрелә. 7 метрга 8 метрлы, җыйнак кына, мансард белән төзелүче тагын алты торакның нигезе корылган. Төзүчеләр аларны ел ахырына кадәр кулланылышка тапшырырга ниятли.
фото: автор
Нет комментариев