Чирмешән районында 221 гаилә торак төзелешенә 172 миллион сум субсидия алган

Шундый ярдәмгә ияләрнең  140 сы - яшь гаиләләр, аларга 127 миллион 788 мең сум ярдәм булган, авыл җирендә яшәүче 81 кешенең исәп-хисап счетына 44 миллион 317 мең сум акча күчерелгән.

Бүген торак шартларын яхшырту буенча   программада 208 кеше чиратта тора, шуларның 177 се - авыл җирлегендә яшәүче гражданнар, 31 се - яшь гаиләләр.

Исәптә торучы әлеге 208 гаиләнең 21 се авылларда яшәсә дә йортларын район үзәгендә төзи башлаган. Әйтик, Лашман авыл җирлегендә яшәп йорт салырга җыенган 19 гаиләнең 6 сы төзелеш эшләрен Чирмешәндә башлаган. Бу программага кергән унҗиде искеүтәмешлеләрнең – алтысы, биш искекадилының – икесе, дүрт яңакадилының – берсе, өч түбәнкәминкәленең – берсе,  ике түбәнкармалкалының  шулай ук берсе йортларын район үзәгендә төзи. Торак төзи башлаган Туймәт авылының дүрт гаиләсе дә киләчәктә Чирмешәндә яшәргә ниятләгән.

Әлеге программа турында күбрәк белергә теләүчеләр 2-23-69 номеры буенча район башкарма комитетының торак сәясәте бүлегенә шалтырата ала.

Автор фотосы