Чирмешән мемориаль үзәге генерал Конев турында тематик күргәзмә әзерли

Гыйнварның соңгы көннәрендә мемориаль үзәктә якташыбыз, Советлар Союзы Герое, генерал Иван Никитович Коневның тууына 120 ел тулу уңаеннан күргәзмә эшли башлый.

Биредә мемориаль үзәкнең ябык архивында сакланучы уникаль документлар: геройның тормыш юлы турында үзе язган истәлекләрен, сугышка кадәрге фоторәсемнәрен, хатларын, күкрәк билгеләре таныклыкларын һәм башка күп кенә кызыклы экспонатлар күрергә мөмкин була. Вакыт узу белән бу экспонатлар нык таушалганлыктан, аларны кабат архивка җыеп куячаклар. Күргәзмә озак эшләмәячәк, экспонатларны күреп калырга ашыгыгыз.

Герой якташыбыз 1898 елда Шешминка авылында туган, ә кабере Самара шәһәрендә, соңгы елларын ул шунда яшәде.

Автор фотосы