Чирмешән егетләре контракт буенча хәрби хезмәтне үз итә

Чирмешән һәм Аксубай районнары хәрби комиссариатына быел 35 яшь кешене контракт буенча хәрби хезмәткә җибәрү планы куелган.

Быел 6 егет килешү төзеп хезмәткә киткән дә. Әлеге ир-атларның 4се Аксубай районыннан, ә 2се безнең якташлар - Ульяновка һәм Якты Тау егетләре. Алар Ватанга хезмәт итүне һөнәр итеп сайлаганнар.

Тагын ике Аксубай егете хәрби кием кияргә документлар әзерли. 2016 елда 7 райондашыбыз шулай иткән - контракт буенча хезмәткә керешкән.

Быел Татарстаннан 149 ир-атны Таҗикстанда хәрби хезмәткә җибәрү бурычы куелган. Монда үткән хезмәт срогының һәр елы 3 ел исәбеннән бара, ел саен 45 көн ял - отпуск бирелә, теләге булганнар 7 ел хезмәттән соң пенсиягә дә китә ала. Кыскасы, егетләргә сайлау мөмкинлеге бар.