Ялган белешмә сатучыларны нинди җәза көтә?
Ел башыннан бирле илдә коронавирустан вакцинация узу турында ялган сертификатлар сату буенча 1188 сайт һәм интернет-сәхифә ябылган яки юкка чыгарылган. Март аенда прививка «ясату» турында белешмәләр сатучы – 1, апрельдә – 5, майда – 7, июньдә 29 сайт бетерелгән.
Июль аенда шундый 1146 сайт ачыкланган. Аларның барысы да юкка чыгарылган.
Исегезгә төшерәбез: июль башында Татарстанда яшәүчеләр коронавирустан вакцинация узу турында ялган сертификат сатып алган өчен җинаять җаваплылыгына тартылу ихтималы турында кисәтелде. Шул ук вакытта Казанның консультация-диагностика үзәгендә эшләүче 21 яшьлек кыз COVID-19 инфекциясеннән прививка «ясату» турында ялган белешмәләр сатуда шикләнеп тоткарланды.
Сүз уңаеннан, Татарстанда соңгы тәүлектә коронавирус йоктыруның яңа очраклары 0,22 процентка арткан. Бу – Россиядә иң түбән күрсәткечләрнең берсе. Мәскәүдә һәм Орел өлкәсендә дә шундый ук күрсәткеч теркәлгән. Республикада соңгы тәүлектә 52 кешедә коронавирус табылган. Татарстанда COVID-19 инфекциясен йоктыруның барлыгы 23 823 очрагы теркәлгән.
Следите за самым важным и интересным в Telegram-каналеТатмедиа
Нет комментариев