Безнең Чирмешән
  • Рус Тат
  • Машина йөртү таныклыгын QR-кодка алмаштырачаклар

    Россиянең берничә төбәгендә машина йөртү таныклыгын QR-кодка алыштыру буенча эксперимент уздырачаклар. РФ Цифрлы үсеш, элемтә һәм массакүләм коммуникацияләр министры урынбасары Олег Качанов Гайдар форумында шулай дип белдерде.

    «Без Эчке эшләр министрлыгындагы коллегалар белән бергә кушымта эшләдек һәм аны килештердек, анда машина йөртү таныклыгы турында мәгълүмат белән QR-код булачак. Инспекторларны кодны уку өчен махсус җайланма белән тәэмин итәчәкләр», — дип ачыклык кертте федераль министр урынбасары.

    Реклама

    Качанов сүзләренчә, 2021 елда әлеге кушымтаны сынау режимында Федерациянең берничә субъектында эшләтеп җибәрәчәкләр. Ул экспериментның кайсы төбәкләрдә үткәреләчәген әйтмәде.

    Басма билгеләп үткәнчә, РФ вице-премьеры Дмитрий Чернышенко Россия Президенты Владимир Путин ил Хөкүмәте әгъзалары белән үткәргән киңәшмәдә шәхесне раслый торган, документларның «цифрлы игезәкләре» урын алган мобиль кушымта булдыру хакында хәбәр иткән иде. Бу хакта "Ватаным Татарстан" хәбәр итә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: