Күп балалыларга – җир участогы

Өч һәм аннан да күбрәк балигъ булмаган балалары булган гаиләләргә, шәхси торак төзелеше һәм шәхси ярдәмче хуҗалыкны алып бару өчен, яшәү урыннарында бушлай җир участогы бирелә.

- Безнең районда бушлай җир участогы алырга хокуклы 347 гаилә бар, - ди җир һәм милек мөнәсәбәтләре палатасы начальнигы Инна Тайдакова. - Бүгенге көндә безгә 35 гариза керде. Чирмешәндә - 0,10, ә башка торак пунктларда 0,15 - 0,20 гектар бушлай җир участогы бирү каралган.