Эчә белмәсәң, су яман шешкә китерә

Кытай галимнәре әлеге җәһәттән тикшеренүләр үткәргән һәм аның нәтиҗәләре белән уртаклаша.
Иртән торгач, су эчү кирәк, әлбәттә. Тик аны дөрес итеп эчә белү зарур. Суны күп һәм тиз итеп эчү ярамый. Аның күләме 150 миллилитрдан артмаса, яхшы.

Суны тиз генә эчкәндә, йөрәккә кинәт кенә зур йөкләнеш барлыкка килә, чөнки су канны сыеклый. Йөрәк авыруларыннан җәфаланучыларга болай эшләү бөтенләй куркыныч: йөрәк өянәге ябырылуы мөмкин.

Моннан тыш, ач карынга күп итеп су эчү ашказаны эшчәнлеген бозуы ихтимал. Гел бу гадәтне куганда, ашказаны авырулары килеп чыгуын көт тә тор.

Кайнар су эчү ( 65 градустан кайнаррак) яман шеш авыруы китереп чыгара.

Су суык булса да, файдага түгел.

Организм өчен бүлмә температурасындагы су хәвефсез булып санала.

Чыганак

Фото: https://pixabay.com/ru