“Ашыгыч ярдәм”не – Казан аша
Игътибар, якташлар! “Ашыгыч ярдәм” чакыртуларны кабул итү графигын үзгәртте.
Район үзәк больницасыннан хәбәр итүләренчә, ашыгыч ярдәм диспетчерлык хезмәте эше җитди үзгәрешләр кичерде.
Хәзер район халкыннан барлык шалтыратулар җирле диспетчерлык хезмәтенә түгел, ә Казандагы бердәм үзәк идарә пунктына килә.
Чакыру номеры элеккечә гади булып кала.
“Ашыгыч ярдәм” бригадасын ничек чакыртырга:
• кәрәзле телефоннан 103 номерын җыегыз;
• стационар (өй) телефоныннан шулай ук 103 номерын җыясы.
Казанның бердәм диспетчерлык хезмәте барлык заявкаларны оператив эшкәртә һәм районнар буенча пациентларга бригадалар җибәрү өчен тәүлек буе эшли.
Үзегезне һәм якыннарыгызны саклагыз!
Ашыгыч ярдәм таләп итә торган авыруның беренче билгеләре булганда, озакка сузмагыз – 103 номерына шалтыратыгыз.
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев