Безнең Чирмешән
  • Рус Тат
  • Чирмешәндә квадроцикллар арта

    Заманында авыл җирендә бик "ходовой" булган техника - мотоцикллар соңгы елларда урамнарда күзгә күренеп кимеде. Хәзер халык арбалы мотоблокларга, зуррак хуҗалык алып баручылар, мал-туарны күп асраучылар тракторга өстенлек бирә. Авылларда кыйммәтле квадроциклларда йөрүчеләр дә бар - анысында инде баераклар җилдертә. Дәүләт техник күзәтчелеге идарәсенең райондагы инспекторы Рифат Гатин әйтүенчә, бүген...

    Заманында авыл җирендә бик "ходовой" булган техника - мотоцикллар соңгы елларда урамнарда күзгә күренеп кимеде.

    Хәзер халык арбалы мотоблокларга, зуррак хуҗалык алып баручылар, мал-туарны күп асраучылар тракторга өстенлек бирә. Авылларда кыйммәтле квадроциклларда йөрүчеләр дә бар - анысында инде баераклар җилдертә.
    Дәүләт техник күзәтчелеге идарәсенең райондагы инспекторы Рифат Гатин әйтүенчә, бүген районда физик затларда 408 трактор исәпләнә. Шуларның 300ләбе шәхси йортларда теркәлгән, 100гә якыны крестьян-фермер хуҗалыкларыныкы.
    -"Частник"ларда көпчәкле МТЗ-80 тракторлары күп. Аларны кулдан, уртача 200-250 мең сумга тирә-күрше районнардан, Самара өлкәсеннән күп алалар, яңаракларын 300-350 меңгә юллаучылар да бар. Тракторларның өр-яңалары бик кыйммәт. Андый яңа техниканы ике ел элек Лагеркадан берәү сатып алып теркәгән иде. Халык бераз кечерәк, арзанрак, Кытайда җитештерелгән тракторлар алгалады, тагылма җиһазлары белән, - ди инспектор.
    Авыл урамнарында анда-санда квадроцикллар да күренгәли. Мондый транспортны кайбер нефть оешмалары хезмәткәрләренә җәен эштә йөрергә ала икән. Кышкыга аларның аэрочаналары бар. Аэрочаналар безнең районда егерме ике данә теркәлгән.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: