Белеп торыгыз
Башкортстанда балалар лагерында башы ярылган 12 яшьлек малайны хастаханәгә китергәннәр
Гадәттән тыш хәл 22 июльдә Башкортстанның Кырмыскалы районында булган.
Башкортстанда балалар лагерында башы ярылган 12 яшьлек малайны хастаханәгә китергәннәр. Бу хакта «Башинформ» агентлыгы хәбәр итә.
Гадәттән тыш хәл 22 июльдә Башкортстанның Кырмыскалы районында булган. Балалар лагерында яшүсмерләр сугышкан, нәтиҗәдә 12 яшьлек малай зыян күргән.
«Башкортостан» дәүләт телерадиокомпаниясе хокук саклау органнарындагы чыганакка сылтама ясап хәбәр иткәнчә, мәктәп укучысының баш сөяге сынган, шулай ук башка тән җәрәхәтләре алган. Аны Уфа хастаханәсенә озатканнар.
Хәзер компетентлы органнар әлеге хәлнең нечкәлекләрен ачыклый.
Следите за самым важным и интересным в Telegram-каналеТатмедиа
Нет комментариев