Бүген, 19 майда, Татарстанда көнбатыштан килгән циклон тәэсирендә һава шартлары начараячак.
Республикада аязучан болытлы һава булачак. Көндез кыска вакытлы яңгырлар көтелә, шул исәптән Казанда да. Республиканың көнбатышында урыны белән явым-төшем көчле булачак. Кайбер районнарда яшен һәм боз явуы ихтимал.
Көньяк һәм көньяк-көнбатыштан җил тизлеге 6 метрдан 11 метрга кадәр җитәчәк. Кайбер урыннарда тизлеге 15-20 метрга кадәр артачак (ТР башкаласында-15-17 метрга кадәр).
Җылы төннән соң, тәүлекнең якты вакытында, Татарстанда температура +18...+23 градуска кадәр (Казанда – +20...+ 22 градуска кадәр) тәшкил итәчәк.
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев