Чирмешән районында игеннәрнең 20 проценты җыелган

Быел 14 мең 960 гектарда уҗым бодае чәчү планлаштырыла, шуның 8 мең гектары – “БИО АГРО”да. Монда да чәчкечләр кырга чыккан.

Әлегә игеннәрнең 6939 гектарыннан, 20 процент өлешеннән бөртек суктырылган. “ЧИРМЕШӘНАГРО” җәмгыяте уракта иң алда -  монда 956 гектарда (36 процент) комбайннар эшләде. Гектар көче 41,6 центнер ук. “Сөлчә”, “Әккәрәй”, “БИО АГРО”, “Тепсуркаев В.А.” җәмгыятьләрендә дә урак көйле бара.

Тулаем, район буенча, һәр гектардан уртача 27 центнер уңыш җыялар.

-Башта уҗым бодае суктырдык, хәзер арпа кырларына күчтек, - ди “Ильхан” хуҗалыгында “Полесье” комбайны йөртүче Минәхмәт Гайнуллин. – Бөртек коры, әмма кичке якта чык төшкә. Яхшы ашаталар. Килешү буенча эшлим. Ватылулар булгалый инде, төзәтәбез дә, кире кузгалабыз. Бүген биш бункер бөртек суктырдым, кичкә кадәр вакыт бар әле.

Автор фотолары