Татарстанда дәүләт социаль стипендиясен кемнәр алырга хокуклы

Көндезге бүлектә укучы студентларга дәүләт социаль стипендиясе, өлгерешләренә карамастан, бюджет нигезендә бирелә. Аны алырга хокукы булучылар:

- ятимнәр һәм ата-анасыз калган затлар;

- уку вакытында ата-анасын яки бердәнбер ата яки анасын югалткан укучылар;

- балачактан сәламәтлек мөмкинлекләре чикләнгән кешеләр, шулай ук инвалид балалар һәм I һәм II төркем инвалидлар;

- хәрби хезмәт узганда яки анда алган авырулар нәтиҗәсендә инвалид калган студентлар;

-сугышчан хәрәкәтләр ветераннары;

- контракт буенча кимендә өч ел хезмәт иткән һәм контракт вакыты чыгу, сәламәтлеге какшау, оештыру үзгәрешләре, яисә гаилә шартлары сәбәпләре буенча эштән азат ителгән гражданнар;

- Чернобыль һәлакәтен һәм башка шундый ук вакыйгаларны да кертеп, радиация аварияләреннән зыян күрүчеләр;

- дәүләт тарафыннан социаль ярдәм алучы укучылар.

Югары социаль стипендия бирелә:

- ташламалы категорияләргә керүче, яхшы өлгерешле беренче ике курс студентларына;

- бердәнбер ата яки анасы I төркем инвалид булган 20 яшькә кадәрге студентларга.

Рәсмиләштерү өчен университетның тиешле бүлегенә (деканат, профком яки социаль эш бүлегенә) мөрәҗәгать итәргә һәм ташламалар алу хокукын раслаучы документлар: белешмәләр, таныклыклар, хәрби билет һәм башка кирәкле кәгазьләр бирергә кирәк.

Татар-информ