Кармыш укучылары Диплом алып кайтты

Яр Чаллы шәһәрендә узган "Хәвефсез тәгәрмәч" республика бәйгесенең велосипедта фигуралы йөрү номинациясендә Кармыш укучылары 58 команда арасында беренче унлыкка кергән.

Конкурста район данын Ләйлә Шәмгунова, Альбина Юнысова, Илназ Юнысов һәм Булат Шәмсунов яклады.

-Бәйге Россиядә юл хәвефсезлеген пропагандалау хезмәте оешуның 85 еллыгына багышланган иде. Анда безнең укучылар яхшы чыгыш ясады. Бу түгәрәк җитәкчесе - укытучы Габдулла Гомәровның тырыш хезмәте нәтиҗәсе дә, - ди районның ЮХИДИ бүлекчәсе инспекторы Рәмис Шәкүров.