Түбән Кәминкә мәктәбендә якташыбыз, "Татарстан-Яңа гасыр" каналында "Манзара" тапшыруын алып баручы журналист Илдар Кыямов белән очрашу кичәсе оештырганнар. Тумышы белән күрше авыл - Кара Чишмә егете Илдар Кыямов хакында укучылар хәтта стена газетасы да чыгарган. Аннан Казан кунагы якташларының сорауларына җавап биргән. -Илдар экранда гына түгел, тормышта да кеше хәтерендә...
Түбән Кәминкә мәктәбендә якташыбыз, "Татарстан-Яңа гасыр" каналында "Манзара" тапшыруын алып баручы журналист Илдар Кыямов белән очрашу кичәсе оештырганнар.
Тумышы белән күрше авыл - Кара Чишмә егете Илдар Кыямов хакында укучылар хәтта стена газетасы да чыгарган. Аннан Казан кунагы якташларының сорауларына җавап биргән.
-Илдар экранда гына түгел, тормышта да кеше хәтерендә калырлык кызыклы әңгәмә кора белә. Ул башкарган җырларны да укучылар, очрашуга килгән авылдашлар тын калып тыңлады,- ди Түбән Кәминкә мәктәбе укытучысы Миңсылу Закирова.
Илдар Әгъләм улы инде ничәмә еллар туган авылы - Кара Чишмә тарихына кагылышлы мәгълүматлар туплый. Аларны ул китап итеп бастырып чыгармакчы. Халыкка шул хакта да кызыклы саннар һәм фактлар җиткерде.
-Очрашу үземә дә бик ошады. Мәктәптә классташларым (Түбән Кәминкә укучылары зур классларда Кара Чишмәгә йөреп укыды.-М.Г.) эшли икән, алар белән аралаштык,- диде телефоннан Илдар үзе. -Рәхәтләнеп үзебезчә, мишәрчә сүләштек. Мине шундый зурга санап кабул итүләре, бүләкләре өчен якташларыма рәхмәт.
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев