Яктытаулылар авылдашлар очрашуына өч бәлеш салып килгән

Бу көнне мәчет каршындагы мәйданда сыйлы табыннар көйләнде. Бәйрәм чыгымнарын авылдаш иганәчеләр күтәргән.

-Бәйрәмгә җитмешләп кеше җыелды. Коръән, укып, авылдашлар рухына дога кылдык, үткәннәрне искә төшереп утырдык. Табыннарыбыз сыйлы иде, хатын-кызлар өч бәлеш тә салып килгән. Ә кичен җыр-биюләр оештырдык, - ди авыл клубы сәнгать җитәкчесе Ләйсән Нотфуллина.

Бүген Якты Таудагы 65 йортта туксаннан күбрәк кеше яши. Иске Кади  мәктәбенә 9 бала йөреп укый. Кызганыч, авылда мәктәпкәчә яшьтәге сабыйлар юк.

Ләйсән Нотфуллина фотолары

"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.