Ресторанга дәшкән кунакларын район инвалидлар оешмасы лотереялар уйнатып, бүләкләр таратып, тәмле ризыклар белән сыйлады.
-Быелгы инвалидлар декадасында әлеге чарага күбрәк район үзәгендә яшәүче якташларыбызны чакырдык. Алар арасында айлар буе өйдән чыкмаучылар бар. Монда килеп рәхәтләнеп аралашсыннар әле. Бер күрешеп сөйләшүгә ни җитә?! - диде район инвалидлар оешмасы рәисе Мәдинә Талипова.
Бүген районда 1432 инвалид яши. Шуларның 76сы – балалар. 25ләп якташыбыз – урын өстендә.
Чирмешәннән 35 яшьлек Екатерина Сдобнова инвалид коляскасында хәрәкәтләнә.
-Көннәрегез ничек үтә? – дигәч.
-Телевизор карыйм, китаплар күп укыйм. Компьютерны да һәр көнне кабызам. Җәй көне урамга еш чыксам, кышын коляска белән карда йөрергә кыен, - диде ул.
Ресторандагы табынлы мәҗлестә утызлап якташыбыз катнашты. Чирмешәннең үзәк мәчете картларына рәхмәт: сәламәтлекләре чикле якташларыбызның һәрберсенә алар да тәм-томнар алып килгән. Түбән Камадагы Чирмешән якташлык җәмгыяте артистлары күрешүне җыр-бию, кызыклы уеннар белән бизәде.
ФОТОРЕПОРТАЖ
Марат Гомәров фотолары
Нет комментариев