Чирмешәндәге моргның эшләү тәртибен аңлаттылар

Тормыш булгач, патологоанатом хезмәтләре дә кирәк. Безнең районда морг эшлиме, мондый хәл килеп чыкканда кая, кемгә мөрәҗәгать итәргә?

Илдар.

Чирмешән.

Әлеге хатка район үзәк больницасы баш табибы Лилия Мортазина җавап бирде: - “Якыннарыгыз үлеп киткән очракта, әүвәл авыл фельдшерын яки “ашыгыч ярдәм” чакыртырга кирәк. Алар бу хакта миңа хәбәр җиткерә.  Әгәр үлем криминал белән бәйле булмаса, мәет бездә район үзәк больницасы моргында ярыла, моны полиция хезмәткәрләре хәл итә. Районда морг эшли, мәетләрне махсус укып кайткан патологоанатом Илья Анисимов яра.”