Чирмешән кадетлары "Наркотикларсыз тормыш" акциясенә кушылдылар

Халыкара наркотик матдәләрне куллану һәм законсыз әйләнешенә каршы көрәш көне уңаеннан республикада "Наркотикларсыз тормыш" акиясе старт алды.

Әлеге акция 26 майдан 26 июньгә кадәр дәвам итә. Чирмешән кадетлар мәктәп-интернаты укучылары да аңа актив кушылды. Мәктәпнең шәфкать туташы Ирина Егорова белән бергәләп, бу начар гадәткә карашларын белдереп, плакат ясадылар, аннан соң наркотикларның зыяны турында әңгәмә кордылар, анда һәр укучы кыю рәвештә үз фикерен белдерде. Кадетлар ай дәвамында, акция барышында, тагын байтак чаралар оештырачак.