Татарстанда 7 градуска кадәр салкын була

Бүген, 20 февральдә, Татарстанда төнге салкыннардан соң температура күтәреләчәк. Бу хакта ТР Гидрометеорология үзәге хәбәр итә.

Республикада аязучан болытлы сакланачак. Урыны белән, Казанны да кертеп, иртән бераз кар явачак. Кайбер урыннарда төбәк буенча иртәнге сәгатьләрдә томан көтелә.

Юлларда бозлавык була.

Төнге салкыннардан соң тәүлекнең якты вакытында һава -7, -12 градуска кадәр җылыначак (Казанда -7, -9 градуска кадәр).

чыганак

"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.