Чирмешән районында терлекчелек продуктларына контрольне көчәйтәләр
Күрше төбәкләрдә эпизоотик вәзгыять начараю сәбәпле, Чирмешән районы ветеринария берләшмәсе җитәкчесе Алмаз Газимов халыкны һәм эшмәкәрләрне хайваннар, кошлар һәм терлек продуктлары сатып алганда уяу булырга чакыра.
-Ветеринария документларыннан башка сатып алынган продукция йогышлы һәм паразит авырулар чыганагы булырга мөмкин, - дип кисәтә белгеч. - Бруцеллез, сальмонеллез, пастереллез һәм башка авырулар хайваннарга гына түгел, кешеләргә дә куркыныч тудыра. Хәтта термик эшкәртү дә куркынычсызлыкны гарантияләми.
Үзегезне һәм якыннарыгызны саклау өчен, ит, сөт продуктларын һәм терлекләрне мәҗбүри ветеринария-санитария экспертизасы үткәрелә торган урыннардан гына сатып алыгыз. Сатучылардан ветеринария белешмәләре яки нәтиҗәләр сорагыз - бу сезнең хокукыгыз!
-Исегездә тотыгыз: сәламәтлек экономиядән кадерлерәк! Азык-төлек сайлаганда игътибарлы һәм җаваплы булыгыз, - ди районның баш ветеринары.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев