Безнең Чирмешән
  • Рус Тат
  • Каникуллар хәвефсез үтсен

    Агымдагы елның узган ике аенда республикада балалар катнашында 77 юл - транспорт һәлакәте теркәлгән. Алар нәтиҗәсендә ике баланың гомере өзелгән. Районда андый очраклар булмаган. Соңгы вакытта Татарстанда яшь җәяүлеләр катнашында аварияләр саны артуы аеруча борчу уята. Быел шундый 45 очрак булган. 17 - 31 мартка кадәр республикада, шул уңайдан районда...

    Агымдагы елның узган ике аенда республикада балалар катнашында 77 юл - транспорт һәлакәте теркәлгән. Алар нәтиҗәсендә ике баланың гомере өзелгән. Районда андый очраклар булмаган.

    Соңгы вакытта Татарстанда яшь җәяүлеләр катнашында аварияләр саны артуы аеруча борчу уята. Быел шундый 45 очрак булган.
    17 - 31 мартка кадәр республикада, шул уңайдан районда да, балалар катнашында аварияләр санын киметү максатыннан, "Язгы каникуллар" дип исемләнгән профилактик чара уза.
    Бу вакытта ЮХИДИ хезмәткәрләре юл кагыйдәләрен бозып, балаларны транспорт салонында махсус утыргычтан башка яки куркынычсызлык каешларын эләктермичә йөрүчеләрне, җәяүлеләргә юл бирмәүче транспорт йөртүчеләрне ачык­лаячаклар.
    Инспекторлар юл кагыйдәләрен бозучы балаларны ачыклау буенча рейдлар да үткәрәләр.
    Мәгариф учреждениеләрендә балалар һәм ата - аналар белән профилактик әңгәмәләр оештыру планлаштырыла.
    Нигездә, балалар тиешсез урында юл чыкканда, светофорга игътибар итмәгәндә машина астына эләгәләр. Караңгы вакытта да балаларны бәрдерү фактлары бар. Шуңа да яктылыкны кайтаручы элементлар булуы мәҗбүри, бигрәк тә торак пунктлардан читтәге юлларда йөргәндә.
    Юл инспекторлары машина йөртүчеләрне язгы каникуллар вакытында белем бирү учреждениеләре янында аеруча игътибарлы булырга өндиләр.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: