Советлар һәм тормыш
Чирмешән районында яшьләр парламенты булачак
Чирмешән муниципаль район Советы каршында яшьләр парламенты булдырыла. Әлеге органның бурычы - районда яшьләр сәясәтен формалаштыру һәм тормышка ашыру, яшьләрнең гражданлык активлыгын үстерү, җирле үзидарә органнарына кадрлар резервын әзерләү. Бу мәсьәлә буенча муниципаль район Советының чираттагы - алтмышынчы утырышында карар кабул ителде. Депутатлар ачык тыңлаулар үткәрелгәннән соң Чирмешән муниципаль районы...
Чирмешән муниципаль район Советы каршында яшьләр парламенты булдырыла. Әлеге органның бурычы - районда яшьләр сәясәтен формалаштыру һәм тормышка ашыру, яшьләрнең гражданлык активлыгын үстерү, җирле үзидарә органнарына кадрлар резервын әзерләү.
Бу мәсьәлә буенча муниципаль район Советының чираттагы - алтмышынчы утырышында карар кабул ителде.
Депутатлар ачык тыңлаулар үткәрелгәннән соң Чирмешән муниципаль районы Уставы нигезләмәләрен яңа редакциядә расладылар. Утырышта шулай ук 2015 елга һәм 2016-2017 елларның план чорына Чирмешән муниципаль районы бюджетына үзгәрешләр һәм өстәмәләр кертү, дәүләт милке буларак чикләнмәгән җир участокларыннан файдалану буенча вәкаләтләрне алу турында карарлар кабул ителде.
Утырыш эшендә район җитәкчесе Фердинат Дәүләтшин катнашты һәм тикшерелгән мәсьәләләр буенча үз фикерен белдерде.
Утырышны муниципаль район башлыгы урынбасары, Совет рәисе урынбасары Миләүшә Батыршина алып барды.
Автор фотосы.
Следите за самым важным и интересным в Telegram-каналеТатмедиа
Нет комментариев