Бакчада эшләүне 5–7 минутлык ял белән чиратлаштырырга кирәк. Бу вакытта утырып яки ятып кына ял итү түгел, ә күнегүләр ясап организмны торгызу мөһим. Бу хакта табиб-травмотолог Евгений Рябков хәбәр итә.
«Бакчада эшне түбәндәге тәртиптә оештыру яхшырак: 20 минут эшләү һәм 5–7 минут ял итү. Әмма ял — утырып алып, тагын эшкә керешү генә түгел. Бу – актив рәвештә көчне торгызу. Бу минутларда вакытны әрәм итмичә, язылырга кирәк», – дигән табиб.
Ул арка өчен нәтиҗәле күнегүне дә атаган: туры басарга, кулларны билгә куярга. Аннары җиңелчә генә артка таба бөгелергә (сулыш алганда), соңыннан арканы түгәрәкләргә (сулыш чыгарганда). Бу – басып торып ясала торган «мәче» күнегүе.
«Әгәр озак вакыт тезләнеп эшләгәнсез икән, сак кына утырыгыз һәм аякларыгызны турайтып, аяк очларын үзегезгә тартыгыз – бу ботның арткы өлешен сузу өчен кирәк. Шулай ук муен турында да онытмагыз. Башны сак кына як-якка борыгыз, әмма аны кискен рәвештә артка ташларга ярамый. Мондый күнегүләр кан басымын җайга салу өчен мөһим», – дип аңлаткан ул.
Табиб искәрткәнчә, бакча сезоны ул уңыш һәм шатлык кына түгел, ә организм өчен җитди йөкләнеш тә, бигрәк тә аз хәрәкәтләнүче кешеләр һәм хроник авырулары булганнар өчен, диелә хәбәрдә.
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев