Татарстанда кар һәм 21 градуска кадәр салкын көтелә

 Сишәмбе көнне Татарстан территориясендә бераз кар яву һәм көньяк-көнбатыштан талгын җил көтелә. Бу хакта ТР Гидрометеорология үзәге матбугат хезмәте хәбәр итә.

Аязучан болытлы һава торышы булачак. Төнге сәгатьләрдә термометр баганалары -21дән -16 градуска кадәр, көндез -16 градустан -11 градуска кадәр күрсәтәчәк.

Синоптиклар шулай ук юлларда бозлавык турында кисәтә. 

фото из архива редакции

"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.